ದಿನೇಶ ಉಪ್ಪೂರ:
*#ನನ್ನೊಳಗೆ-2*
ಭಾಗ - 1
ಹೌದು. ನಾನು ನನ್ನ ಬದುಕಿನ ಅನುಭವದ ಕ್ಷಣಗಳನ್ನು ಎಳೆ ಎಳೆಯಾಗಿ ಬರೆದಿಡಲು ತೊಡಗಿ ಸುಮಾರು ಒಂದು ವರ್ಷವಾಯಿತು. ಹೌದಲ್ಲ ಒಂದು ವರ್ಷದ ಅವಧಿ ಅಷ್ಟು ಸಣ್ಣದೇನಲ್ಲ. ಸುಮಾರು ಅರವತ್ತೈದು ಕಂತುಗಳಲ್ಲಿ ಹರಿದು ಬಂದ ನನ್ನೊಳಗೆ ಯನ್ನು ಒಂದು ವೃತದಂತೆ ಬರೆದೆ. ದಕ್ಷಿಣ ಭಾರತ ಪ್ರವಾಸ ಹೋದಾಗಲೂ ನಿಲ್ಲಿಸಲಿಲ್ಲ. ಏಳು ದಿನ ನನ್ನ ಮೊಬೈಲಲ್ಲಿ ಅಷ್ಟೂ ಕಂತುಗಳನ್ನು ಹಾಕಿಕೊಂಡು ಹೋಗಿ ದಿನ ದಿನ ಹಾಕುತ್ತಿದ್ದೆ. ಓದುಗರಿಗೆ ಅನ್ಯಾಯ ಆಗಬಾರದು.
*************
ಮಧ್ಯ ಎಲ್ಲಿಯೋ, ಯಾರೋ “ಇದೆಲ್ಲ ಬಂಡಲ್, ನಿಜ ಅಲ್ಲ “ ಅಂತ ಹೇಳಿದರು ಅಂತ ತಟ್ಟನೇ ನಿಲ್ಲಿಸಿ ಬಿಟ್ಟೆ.
“ನೀವು ಕಣ್ಣುತೆರೆಸಿದಿರಿ” ಅಂದೆ.ಮತ್ತೆ ಪ್ರಾರಂಭಿಸಿದೆ.
ನಾನು ಬರೆಯಲು ಹೊರಟದ್ದು , ನನ್ನ ಜೀವನದ ಕ್ಷಣಗಳನ್ನು. ಹಾಗಂತ ಇದರ ಬಗ್ಗೆ ಯಾವುದೇ ದಾಖಲೆಗಳನ್ನು ನಾನು ಇಟ್ಟುಕೊಂಡವನಲ್ಲ. ಡೈರಿ ಬರೆದವನಲ್ಲ. ಬರೀ ನೆನಪಿನ ಶಕ್ತಿಯ ಮೇಲೆ, ಅದನ್ನೇ ನಂಬಿ ಬರೆಯತೊಡಗಿದವನು.
ಇದ್ದಕ್ಕಿದ್ದಂತೆ ಮತ್ತೆ ಬರೆಯಬೇಕು, ಬರೆಯಲೇ ಬೇಕು ಅನ್ನಿಸಿತು.
ಎಲ್ಲರೂ ಹೇಳಿದರು. ಮತ್ತೆ ಪ್ರಾರಂಭಿಸಿ.
ನಿಲ್ಲಿಸಬೇಡಿ ಅಂದರು.
ಬರೆಯತೊಡಗಿದೆ.
ಮತ್ತೆ ಅದೊಂದು ಧ್ಯಾನವೆಂದು ಬಗೆದು ಬರೆದೆ . ನೀವು ಓದಬೇಕು.
******”
ಅಥವ ಆಗ
ಯಾರು ಓದಲಿ ಬಿಡಲಿ . ನನಗೆಂದೆ ನನ್ನ ಮನಸ್ಸಿನ ತುಡಿತಕ್ಕೆ ಬರೆದೆ.
ಅದು ಅರವತ್ತೈದಕ್ಕೆ ನಿಲ್ಲಬೇಕಾಗಿತ್ತು . ಆದರೆ ನನಗೂ ಮತ್ತೆ ಹೇಳಬೇಕಿತ್ತು. ಆದ್ದರಿಂದ ನಿಲ್ಲಲಿಲ್ಲ. ಹೊ ಇದೊಂದು ಬಿಟ್ಟು ಹೋಯಿತು. ಇದೊಂದು ಅನುಭವ ಬರೆಯಬೇಕಿತ್ತು ಅಂತ ಬರೆದೆ .
ಅದು ತೊಂಬತ್ತೈದರವರೆಗೂ ಹೋಯಿತು .
ಇದ್ದಕ್ಕಿದ್ದಂತೆ ಮತ್ತೆ ನಿಲ್ಲಿಸಿದೆ .
ಕೆಲವರು “ಆಯಿತಾ ?” ಅಂದರು.
ಇಲ್ಲ . ಮತ್ತೆ ಬರೆಯಬೇಕೆನಿಸಲಿಲ್ಲ.
ಬರೆಯಬೇಕು ಅನ್ನಿಸಿದರೆ ಮತ್ತೆ ಬರೆಯುತ್ತೇನೆ ಅಂದೆ.
ಅದು ಹಾಗೆಯೆ.
*******”*”
ಹಲವರು ನನ್ನ ಬರಹಗಳನ್ನು ಮೆಚ್ಚಿದ್ದಾರೆ. ಧನ್ಯ ನಾನು.
“ನೀವು ಬರೆದ ಕತೆಗಳು ಚೆನ್ನಾಗಿವೆ . ನಿಜವಾಗಿ ಕಣ್ಣಮುಂದೆ ನಡೆದಂತೆ ಬರೆಯುತ್ತೀರಿ” ಎಂದರು .
ಅದು ಅವರ ಅಭಿಮಾನ.
ನೀವು ಆವತ್ತು ಬರೆಯುತ್ತಿದ್ದೀರಲ್ಲ . “ನನ್ನೊಳಗೆ” ಅದನ್ನೂ ನಾನೂ ಓದಿದ್ದೇನೆ ಎಂದರು ಹಲವರು. ಕೆಲವರು ನನ್ನನ್ನು ಕಂಡಾಗ ನೆನಪಿಟ್ಟು ಹರಸಿದರು.
******
ರಮೇಶ ಬೇಗಾರ್,
ಯಕ್ಷಗಾನದಲ್ಲಿ ಒಂದು ಹೆಸರು ಇರುವವರು. ಕಾಳಿಂಗ ನಾವಡರ ಆಪ್ತರು.
ಒಮ್ಮೆ ಅವರ ಜೀವನದ ಕ್ಷಣಗಳನ್ನು ಸೆರೆಹಿಡಿಯಲು ಪ್ರಯತ್ನಿಸಿದ್ದರು.
ವಾಟ್ಸಾಪ್ ನಲ್ಲಿ ನಾನು ನೋಡಿದೆ.
“ಚೆನ್ನಾಗಿದೆ” ಅಂದೆ.
ಅವರು “ನೀವೇ ನನಗೆ ಇನ್ಸ್ಪಿರೇಶನ್ ಅನ್ನುವುದೇ ?”
ಮತ್ತೆ ಮೃದುವಾಗುತ್ತದೆ ಮನಸ್ಸು.
ಹೌದು . ಈಗ ಮತ್ತೆ ಶುರುಮಾಡಬೇಕು ಅನ್ನಿಸುತ್ತದೆ.
ಹೇಳಲಿಕ್ಕೆ ಏನು ಇಲ್ಲದಿದ್ದರೂ ….
***********
ಆದರೆ ಹಿಂದಿನದ್ದು ಉಕ್ಕಿ ಹರಿಯುವ ಪ್ರವಾಹ!
ಇದು ನಿಂತಲ್ಲೇ ಗಂಭೀರವಾಗಿ ಭೋರ್ಗರೆಯುವ ಕಡಲು.
*********
ಓದುತ್ತೀರಾ?
ಪಿಡಿಎಫ್ ಲಗತ್ತಿಸಿದ್ದೇನೆ.
ಓದಲು ದುಡ್ಡಿಲ್ಲ.
ಅದಕ್ಕೆ ಬೇಕಾದ್ದು , ನಿಮ್ಮ ಸಮಯ.
ಒಳ್ಳೆಯ ಹೃದಯ. ಮತ್ತು ಇಂಟರ್ನೆಟ್
ಲಿಂಕ್
https://drive.google.com/file/d/15LzRVZYRscBVT-7HdUSY45LC0t905UIx/view?usp=drivesdk
ಮುಂದುವರಿಯುತ್ತದೆ…………..
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ