ದಿನೇಶ ಉಪ್ಪೂರ:


*#ನನ್ನೊಳಗೆ - 2*


ಭಾಗ - 6


ಇರಲಿ.  ಮತ್ತೆ ದೊಡ್ಡವರ ಜೀವನ ಚರಿತ್ರೆಯ ಹುಡುಕಾಟ.

ಏನು ಮತ್ತು ಹೇಗೆ ಬರೆಯುತ್ತಾರೆ ಇವರೆಲ್ಲ ?

*******


ಅನಂತ ಮೂರ್ತಿಯ ಸುರಗಿ ಸಿಕ್ಕಿತ್ತು.

ಲೈಬ್ರರಿಯಿಂದ ತಂದು ಓದಿದೆ.

ತುಂಬಾ ಆಧುನಿಕವಾಗಿ ಯೋಚಿಸುವ ಬರಹಗಾರರು.  ಇದ್ದದ್ದನ್ನು ಇದ್ದಂತೆ ಹೇಳುವವರು.

ನಾನೂ ಅವರ ಹಲವು ಭಾಷಣಗಳನ್ನು  ಕೇಳಿದ್ದೆ. ಇಂಟರ್ ನೆಟ್ ನಲ್ಲಿ ಕಂಡಿದ್ದೆ.

ಅಂತಹ ಒಳ್ಳೆಯ ಪುಸ್ತಕ ಅನ್ನಿಸಲಿಲ್ಲ.

ಬರೆಯುವುದು ಅಂದರೆ ಎಲ್ಲಿಯವರೆಗೆ ?

ಹೇಳಬಾರದ , ಹೇಳಲಾಗದ ತೀರಾ ಖಾಸಗಿ ವಿಷಯಗಳನ್ನು ಬರೆದು ಬಿಟ್ಟಿದ್ದಾರೆ.

“ ಆತ್ಮ ಚರಿತ್ರೆ ಅಂದರೆ ಅದಾ?”

ಅದು ಅಪೂರ್ಣ.

ಬಹಳಷ್ಟು ಬರೆಯದೇ ಬಿಟ್ಟಿದ್ದಾರೆ.

***********



ಮತ್ತೆ ಹುಡುಕಾಡಿದೆ.

ಆಗ ಸಿಕ್ಕಿದ್ದು ಪಾಪು ಆತ್ಮಕತೆ.

ಎಲ್ಲವೂ, ಎಲ್ಲೆಲ್ಲಿಯೂ ತಾನು ತಾನು ಅಂತ  ಬರೆದುಕೊಂಡಿದ್ದಾರೆ.

ನೀವೂ ಓದಿರಬಹುದು.

ಅದೂ ಇಷ್ಟವಾಗಲಿಲ್ಲ.

*******



ಮುಂದೆ ಅ.ನ.ಕೃ.ರವರ ಆತ್ಮ ಚರಿತ್ರೆ ಸಿಕ್ಕಿತು.

ತನ್ನ ಬದುಕನ್ನು ಎಳೆಎಳೆಯಾಗಿ ತೆರೆದಿಟ್ಟಿದ್ದಾರೆ.

ಬಹಳ ಪ್ರಾಮಾಣಿಕವಾಗಿ.

ದಿನಾಂಕ ಘಳಿಗೆ ಸಹಿತ.

ಡೈರಿ ಬರೆಯುತ್ತಿದ್ದಿರಬೇಕು .

ಎಲ್ಲವನ್ನೂ ದಾಖಲು ಮಾಡುವ ಧಾವಂತ.

ನಾನು ಸಣ್ಣವ.

ಅವರೆಲ್ಲರಷ್ಟು ತಿಳಿದವನಲ್ಲ.

*********



ಮುಂದೆ ನನಗೆ ಸಿಕ್ಕಿದ್ದು ರವಿ ಬೆಳೆಗೆರೆಯ ಖಾಸ್ ಬಾತ್ .

ಅವರ ಬರವಣಿಗೆಯ ಶೈಲಿ ನಿರರ್ಗಳ. ಯಾರನ್ನೂ ಹುಚ್ಚು ಹಿಡಿಸೀತು. ಆದರೆ

ಅವರು ಬರೆದದ್ದಕ್ಕಿಂತ ಹೊರಗೆ ಮಾಡಿಕೊಂಡ ರಾದ್ದಾಂತಗಳೆ ಹೆಚ್ಚು.

ಯುಟ್ಯೂಬ್ ಹುಡುಕಿದರೆ ಸಿಗುತ್ತದೆ.

ಬೆಳೆಗೆರೆಯ ಬದುಕು,  ಇರಲಿ.

************



ಭೈರಪ್ಪ ನವರ ಭಿತ್ತಿಯನ್ನು ಮೊದಲೇ ಓದಿದ್ದೆ.

ಮತ್ತೆ ತಂದು ಓದಿದೆ.

ಬಹಳ ಆಪ್ತವೆಂದು ಅನಿಸಿದರೂ, ಅದೆಲ್ಲ  ಸತ್ಯ ಅನ್ನಿಸಲಿಲ್ಲ.

*********


ರಾಮದಾಸರ

“ಎಳೆನಿಂಬೆ” ಯನ್ನೂ ಓದಿದೆ…….

ಅದೂ ಅಪೂರ್ಣ.

ಅಸಮರ್ಥನೀಯ.

ಬಹುಷ್ಯ ಅವರು,  ಅವರ ಎಳವೆಯಲ್ಲಿ ಬರೆದಿರಬೇಕು.

******



ಸಂಜೀವರ “ಸಂಜೀವನ” ನೋಡಿದೆ.

ಬರವಣಿಗೆಯ ಆ ಶೈಲಿ, ಹೊಸತನ ಗಮನ ಸೆಳೆಯುತ್ತದೆ.

ಸಂಜೀವರು ಬಹಳ ಭಾವುಕರಾಗಿ ತನ್ನನ್ನು ತೆರೆದುಕೊಂಡಿದ್ದಾರೆ. ಆದರೆ,

ಉಹೂಂ.

ಅಲ್ಲೊಂದು ಇಲ್ಲೊಂದು ನೆನಪುಗಳನ್ನು ಗುಂಪಾಗಿ ಇಟ್ಟಂತೆ ಇದೆ.

ಅದೂ ಹಿತವಾಗಲಿಲ್ಲ.

*********


ಮೊಗೇರಿ ಗೋಪಾಲ ಕೃಷ್ಣ ಅಡಿಗರ

“ನೆನಪಿನ ಘಣಿಯಿಂದ”

ಎಸ್. ವಿ. ಭಟ್ಟರ ಮನೆಯಿಂದ ಅವರನ್ನು ಕೇಳಿ, ಓದಲು ತಂದೆ.

ಓದಲೇ ಇಲ್ಲ.

*******


ಸಾಕು.

ನಾನು ಇನ್ನು ಓದಬೇಕಾಗಿಲ್ಲ .

ಬರೆಯಬೇಕು.

ಆದರೆ ಅದು ಜನ “ಸಾಕು”. ಅನ್ನುವಷ್ಟು ಆಗಬಾರದು.

ಹೌದು ಎಸ್. ವಿ. ಭಟ್ಟರು ಆವತ್ತು ಯಾವುದೋ ವಿಷಯಕ್ಕೆ ಹೇಳಿದ್ದರು.

“ನಿನಗೆ ಮಾಡಲು ಬಹಳ ಇದೆ. ನೀನು ಬರೆಯಬೇಕು. ಬರೆಯಬಲ್ಲೆ. ಓದಬೇಕು .

ಅವರು ಸಾಕಷ್ಟು ವಿವಿಧ ರೀತಿಯ ಜನರನ್ನು ಕಂಡವರು.

******


*ಮುಂದುವರಿಯುವುದು……….*